Minnkandi afgangur af vöruskiptum við útlönd

Fyrstu tölur um vöruskipti við útlönd á árinu benda til að afgangur af þeim sé að dragast saman.

Samkvæmt bráðabirgðatölum frá Hagstofu Íslands var afgangur af vöruskiptum við útlönd á fyrsta fjórðungi 12,2 milljarðar króna og hefur ekki verið minni síðan 2008.

Á móti kemur að skammtímavísbendingar um þjónustujöfnuð, eins og velta erlendra greiðslukorta hér á landi,gistinætur á hótelum og komur í Leifsstöð, benda allar til að afgangurinn af þjónustuviðskiptum aukist milli ára.

Búist er við að áframhald verði á þróun síðasta árs þar sem aukinn afgangur af þjónustuviðskiptum nær að vega upp á móti minni afgangi af vöruskiptum.