Tryggvi Gunnarsson, umboðsmaður Alþingis, vill koma því á framfæri að heimildir sem stuðst var við í fréttum Stöðvar tvö í gærkvöldi, um að niðurstaða embættisins væri að Hanna Birna Kristjánsdóttir hefði brotið gegn hæfisreglum í samskiptum sínum við lögreglustjóra, séu ekki frá honum komnar.
Tryggvi segir enn unnið að niðurstöðunni og að því séu ekki forsendur fyrir vísun í heimildir um hana á þessu stigi máls. Miðað er við að niðurstaðan verði birt í næstu viku.
