Íslenska skyrið slær í gegn

Samkvæmt óformlegri jógúrtsmökkun Huffington Post er íslenska skyrið besta jógúrt sem hægt er að fá. Fyrirfram var talið að grísk jógúrt myndi sigra með yfirburðum í smökkuninni en hlutdeild þess á jógúrtmarkaðnum hefur aukist um meira en 40% á seinustu 7 árum.

Smekkur blaðamanna á Huffington Post á jógúrttegundum endurspeglar varla smekk allra. Blaðamennirnir smökkuðu bæði skyr frá Sigga og svo Skyr Icelandic Yogurt, eins skyrið frá Mjólkursamsölunni það heitir fyrir vestan haf.

Siggi´s Skyr varð í 4. sæti af 12 en Skyr sigraði í smökkuninni og hirti 1. sætið.

Á meðal þess sem smakkararnir sögðu um íslenska skyrið var þetta:

„Rosalega þykkt en mjög súrt. Frábær grunnur í einhvers konar ídýfu.“

„Þessi jógúrt er á við heila máltíð! Súr, þykk, rjómakennd og mjög gómsæt.“