Formaður FÍT til H:N Markaðssamskipta

Högni Valur Högnason hefur verið ráðinn hönnunar- og hugmyndastjóri hjá H:N Markaðssamskiptum.

Þetta kemur fram í tilkynningu frá fyrirtækinu en Högni Valur hefur reynslu af hönnunar- og hugmyndavinnu en hann útskrifaðist úr grafískri hönnun frá Listaháskóla Íslands árið 2009.

Högni Valur er formaður FÍT, Félags íslenskra teiknara, og virkur þátttakandi í félagsstarfi hönnuða. Hjá H:N mun hann hafa umsjón með hönnunar- og hugmyndastjórnun sem og skipulags- og framkvæmdarmálum.

Högni Valur er þrítugur að aldri, ólst upp í Breiðholti og útskrifaðist af listnámsbraut Fjölbrautaskólans í Breiðholti áður en hann hóf nám í grafískri hönnun við Listaháskóla Íslands. 

„Með ráðningu Högna Vals bætist nú enn einn öflugi starfsmaðurinn í ört stækkandi starfsmannahóp okkar,“ segir Ingvi Jökull Logason, framkvæmdastjóri H:N Markaðssamskipta.

Auglýsingastofan fagnar 25 ára afmæli sínu á næsta ári.