Innlent

Gómaðir innan bannsvæðisins í dag

Samúel Karl Ólason skrifar
Vísindamenn, lögregla og fjölmiðlar eru þeir einu sem hafa fengið takmarkað leyfi almannavarna til þess að vera inni á hættusvæðinu.
Vísindamenn, lögregla og fjölmiðlar eru þeir einu sem hafa fengið takmarkað leyfi almannavarna til þess að vera inni á hættusvæðinu. Vísir/Egill

Almannavarnir ítreka að öll umferð um lokaða svæðið norðan Vatnajökuls við gosstöðvarnar sé bönnuð. Í tilkynningu kemur fram að lögreglan fylgist með lokaða svæðinu meðal annars í samvinnu við Landhelgisgæsluna. Við hefðbundið eftirlit í dag sáust þó nokkrir bílar á svæðinu.

Allir sem voru í bílunum, bæði bílstjórar og farþegar, verða kærðir fyrir brot á lögreglulögum og mega búast við háum fjársektum.

Lokanir hafa verið í gildi norðan Vatnajökuls frá 18. ágúst vegna þess að hættur geti fylgt eldgosinu. Eins og vatnsflóð, eitraðar gastegundri, hraunrennsli og steinkast.

Vísindamenn, lögregla og fjölmiðlar eru þeir einu sem hafa fengið takmarkað leyfi almannavarna til þess að vera inni á hættusvæðinu, háð sérstökum skilmálum frá almannavörnum en vegna aukinnar eldvirkni yfirgáfu allir svæðið í morgun.

Ákvörðunin um lokun svæðisins verður endurmetin í fyrramálið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.