Nýjar veiðitölur gefa engin sérstök fyrirheit

Það er heldur farið að síga í brún hjá mörgum veiðimönnum sem hafa verið við veiðar á vesturlandi þessa dagana en þar er ennþá beðið eftir almennilegum göngum í árnar.

Svipað er uppá teningnum fyrir norðan en ekki hefur orðið vart við mikið af smálaxi, það hefur þó ekki komið að sök því uppistaðan í aflanum er vænn tveggja ára lax.  Það stefnir kannski ekki í neitt metár en flestar árnar á Norðurlandi eru bara í fínum málum og ekkert óalgengt að sjá fyrstu stóru smálaxagöngurar í árnar á fyrsta stóra júlístraum en á vesturlandi eiga þær í það minnsta að vera farnar að mæta að einhverju ráði.  Það er ennþá von í að þessar göngur mæti næstu daga og það eru alveg fordæmi fyrir því á þessari öld að þær komi seint.  Það er ótrúlegt að sjá að ár eins og Grímsá, Laxá í Kjós, Leirvogsá og Langá ekki komnar yfir 100 laxa en þar hefur bara alveg vantað allar stórar göngur.  Á meðan árnar í kring eins og Haffjarðará, Norðurá, Þverá, Hítará og Flókadalsá eru að skila svipaðri veiði og reikna mætti með á meðalgóðu ári en mismikið þó.  Hvað veldur er erfitt að segja en næstu 7 dagar koma líklega til með að skera úr um það hvort hér sé annað árið á stuttum tíma sem stórar smálaxagöngur láta sig alveg vanta. 

Hér er topp tíu listinn frá Landssambandi Veiðifélaga en listann allann má finna á www.angling.is

Veiðivatn	Dagsetning	Heildarveiði	Stangafjöldi	Lokatölur 2013
Blanda	9. 7. 2014	615	14	2611
Þverá + Kjarará	9. 7. 2014	334	14	3373
Norðurá	9. 7. 2014	329	15	3351
Miðfjarðará	9. 7. 2014	203	10	3667
Haffjarðará	9. 7. 2014	197	6	2158
Eystri-Rangá	9. 7. 2014	160	20	4797
Laxá í Aðaldal	9. 7. 2014	131	18	1009
Vatnsdalsá í Húnaþingi	9. 7. 2014	125	6	1116
Laxá á Ásum	9. 7. 2014	95	2	1062
Selá í Vopnafirði	9. 7. 2014	78	7	1664