Suárez mun kæra niðurstöðu FIFA

Lögmaður Luis Suárez staðfesti í spænsku útvarpi í morgun að þeir ætluðu að kæra úrskurð FIFA til alþjóða íþróttadómstólsins.

FIFA hafnaði í gær áfrýjun Suárez en hann var dæmdur í fjögurra mánaða bann fyrir að bíta Giorgio Chiellini.

Samkvæmt úrskurði FIFA er Suárez með öllu óheimilt að taka þátt í knattspyrnutengdum viðburðum. Má hann hvorki æfa né taka þátt í leikjum með tilvonandi félagsliði sínu Barcelona.

Neyðist Barcelona meðal annars að kynna hann í sal vegna þess en venja hefur verið að leikmenn séu kynntir inn á leikvelli félagsins, Nou Camp.

„Við vonumst til þess að þeir létti á þessu banni sem jaðrar við fasisma. Að banna hann í níu leiki er full mikið en að banna honum að æfa sem eru réttindi fótboltamanna er grimmilegt.“

„Luis er búinn að viðurkenna mistök sín og þrátt fyrir að FIFA hafi litið til þess áður fyrr varð það honum ekkert til bóta í þetta sinn. Við munum ekki gefast upp,“ sagði Alejandro Balbi, lögmaður Suárez.