Greiðslu málskostnaðar Más átti að bera undir bankaráð

Fyrrverandi formaður bankaráðs Seðlabankans, Lára Júlíusdóttir, hefði átt að bera ákvörðun um greiðslu málskostnaðarreikninga Más Guðmundssonar, seðlabankastjóra, undir bankaráð. Ein ástæða þess er að um umtalsverð útgjöld var að ræða.

Þetta er niðurstaða Ríkisendurskoðunar í úttekt á greiðslum bankans vegna málsóknar Más vegna launa sinna eftir úrskurð Kjararáðs frá árinu 2010. Þá var launakjörum hans breytt, því enginn mátti hafa hærri laun en forsætisráðherra.

Már sagðist aftur á móti hafa kynnt sér starfskjör áður en hann sótti um og að lögum um kjararáð hafi verið breytt eftir að gengið var frá ráðningu hans. Hann krafðist því leiðréttingar. Hann tapaði málinu bæði í Héraðsdómi Reykjavíkur og Hæstarétti.

Niðurstöður Ríkisendurskoðunar má sjá hér.