Ríkidæmi eykst í veröldinni

Auður einkaaðila jókst um fjórtán prósent á síðasta ári um heim allan og nú er svo komið að einkaaðilar um heim allan eiga hundrað fimmtíu og tvær trilljónir dollara, að því er fram kemur á fréttaveitu BBC.

Hækkunina á síðasta ári má að mestu rekja til hækkandi hlutabréfaverðs. Mest varð hækkunin í Asíu, ef Japan er undanskilið og þar jóx auðurinn um rúm þrjátíu prósent á einu ári.

Tölurnar eru teknar saman af ráðgjfafyrirtæki í Boston og þegar talað er um einka-auð er átt við beinharða peninga, innstæður á bankabókum, hlutabréf og aðrar eignir einkaaðila en fyrirtæki og fasteignir eru ekki teknar með í reikninginn. Þá fjölgaði milljónamæringum um rúmar þrjár milljónir á árinu.