Þriðja hvert fyrirtæki mun fjárfesta meira í upplýsingatækni

Þriðja hvert fyrirtæki á Íslandi mun nýta sér snjalllausnir í auknu mæli á næstu 12 mánuðum og áttunda hvert fyrirtæki mun byrja að nýta sér snjalllausnir á næstu tólf mánuðum.

Þetta kemur fram í könnun Nýherja um áherslur stærstu fyrirtækja landsins í upplýsingatækni. Markaðsmælingin var framkvæmd af CEO Huxun fyrir Nýherja og fór fram í maí 2014. Hún náði til 465 stærstu fyrirtækja landsins og viðskiptavina fyrirtækisins.

Í könnuninni kemur fram að þriðja hvert fyrirtæki mun fjárfesta „umtalsvert meira“ eða „meira“ í upplýsingatækni á næstu 12 mánuðum og hátt í 60% fyrirtækja mun halda sambærulegu fjárfestingastigi og var árið á undan. Þá kemur fram að öryggismál séu helsta áhersluatriði forstjóra og yfirmanna upplýsingatæknimála. 

Að endingu sýna niðurstöður hennar fram á að sjötta hvert fyrirtæki muni nýta sér tölvuský í auknu mæli á næstu 12 mánuðum og sjötta hvert fyrirtæki mun byrja að nýta sér tölvuský á næstu tólf mánuðum.