Edda aðstoðarritstjóri Viðskiptablaðsins

Edda Hermannsdóttir hefur verið ráðin aðstoðarritstjóri Viðskiptablaðsins.

Edda hefur undanfarin tvö ár starfað hjá blaðinu þar sem hún hafði umsjón með VB Sjónvarpi og Eftir vinnu, fylgi blaði Viðskiptablaðsins, ásamt því sem hún skrifaði í Viðskiptablaðið. Hún hefur einnig starfað hjá RÚV og við dagskrárgerð hjá Konunglega kvikmyndafélaginu.

Edda er hagfræðingur frá Háskóla Íslands og situr í stjórn Félags viðskiptafræðinga og hagfræðinga.

Sem aðstoðarritstjóri verður Edda Bjarna Ólafssyni, ritstjóra Viðskiptablaðsins, til aðstoðar ásamt því að hafa umsjón með daglegri starfsemi á vef og mun sjá um sérblöð Viðskiptablaðsins.