Íslendingur ráðinn forstjóri hjá stærsta samheitalyfjafyrirtæki heims

Sigurður Óli Ólafsson hefur verið ráðinn forstjóri samheitalyfjasviðs Teva Pharmaceutical Industries Ltd. frá og með 1. júlí 2014.

Teva er stærsta lyfjafyrirtæki í heimi á sviði samheitalyfja og tíunda stærsta lyfjafyrirtæki í heimi. Sigurður Óli sagði nýlega starfi sínu lausu sem forstjóri Actavis Pharma, sem er alþjóðleg sölueining samheita- og sérlyfja Actavis. 

Teva er með starfsemi í um 60 löndum og selur sérlyf, samheitalyf, lausasölulyf auk hráefna til lyfjagerðar.  Áætlanir gera ráð fyrir að velta fyrirtækisins á þessu ári verði um 20 milljarðar bandaríkjadala.

Sigurður verður staðsettur í starfstöð fyrirtækisins í Pensylvaníu í Bandaríkjunum.