Stjórnvöld leita erlendra ráðgjafa til að kynna skilyrði fyrir kröfuhöfum

Íslensk stjórnvöld leita nú erlendra ráðgjafa til þess að kynna fyrir kröfuhöfum föllnu bankanna þau þjóðhagslegu skilyrði sem nauðasamningar bankanna þurfa að uppfylla til þess að fá undanþágu frá gjaldeyrishöftunum. Þetta kemur fram í frétt frá Bloomberg News.

Samkvæmt nafnlausum heimildum Bloomberg gæti áætlun um afnám gjaldeyrishafta verið kynnt í næsta mánuði og er áformað að ráðningarferlið taki um 2-4 vikur. Í tengslum við áform ríkissjórnarinnar um losun gjaldeyrishafta sé nú verið að skoða möguleika á að opna á viðræður við kröfuhafa.