Bónus með lægsta verðið í um helmingi tilvika

Bónus Skeifunni var oftast með lægsta verðið þegar ASÍ kannaði verð í lágvöruverðsverslunum og stórmörkuðum á höfuðborgarsvæðinu síðastliðinn mánudag. Þetta kemur fram í tilkynningu frá ASÍ.

Hæsta verðið var oftast hjá Samkaupum-Úrvali í Hafnarfirði eða í um þriðjungi tilvika. Í um fjórðungi tilvika var hæsta verðið hjá Víði og Nóatúni. 

Oftast var verðmunurinn á hæsta og lægsta verði vöru frá 1% upp í 25% en algengast var að munurinn væri 25 - 50%.

Af þeim 105 matvörum sem skoðaðar voru, var verðmunur minnstur á mjólkurvörum, osti og viðbiti, eða alltaf undir 34%. Minnstur verðmunur var á 1,5 l. af Nýmjólk, sem var ódýrust og á sama verði hjá Bónus, Krónunni, Samkaupum-Úrvali, Hagkaupum og Víði á 193 kr./stk. og 2 kr. dýrari hjá Iceland, eða 1% verðmunur. 

Mestur verðmunur í könnuninni var á avacado, sem var dýrast á 899 kr./kg. hjá Hagkaupum en ódýrast á 378 kr./kg. hjá Fjarðarkaupum sem er 521 kr. verðmunur eða 138%.

Könnunin var gerða á sama tíma í eftirtöldum verslunum: Bónus Skeifunni, Krónunni Höfða, Nettó Granda, Iceland Vesturbergi, Nóatúni Grafarholti, Hagkaupum Eiðistorgi, Fjarðarkaupum Hafnarfirði, Víði Skeifunni og Samkaupum-Úrvali Hafnarfirði.