Mikil atvinnuþátttaka kvenna stendur undir góðum lífskjörum

Atvinnuþátttaka kvenna er hæst hér á landi og ber Ísland af í alþjóðlegum samanburði. Ef atvinnuþátttaka kvenna væri sambærileg við það sem gerist á evrusvæðinu væri landsframleiðsla Íslands 15 -20% minni og lífskjör verri.

Þetta kom fram í máli Þorsteins Víglundssonar, framkvæmdastjóra Samtaka atvinnulífsins, á ráðstefnunni Aukið jafnrétti - aukin hagsæld sem UN Women á Íslandi, Festa og Samtök atvinnulífsins héldu í gær um jafnrétti á vinnumarkaði.

Fram kom að atvinnuþátttaka kvenna er 40% meiri hér á landi en að meðaltali á evrusvæðinu. Mikil atvinnuþátttaka kvenna stendur þannig undir góðum lífskjörum þjóðarinnar.

Þorsteinn sagði hafa miðað í rétta átt á mörgum sviðum en geri þyrfti betur, aukið jafnræði í stjórnun fyrirtækja væri ekki nóg heldur þurfi einnig að auka jafnræði og fjölbreytni í forystusveit íslenskra fyrirtækja.