Geta krafið Google um að fjarlægja upplýsingar

Einstaklingar eiga rétt á því samkvæmt úrskurði Evrópudómstólsins frá því í dag að krefja netfyrirtækið Google um að eyða persónulegum gögnum sem leitarvélin hefur safnað um viðkomandi. Byggist það á rétti fólks til að gleymast (e. right to be forgotten).

Spænskur maður kvartaði yfir því að hægt væri að finna upplýsingar um uppboð á heimili hans. Vildi hann láta fjarlægja þær upplýsingar. Með því taldi Google sig aftur á móti vera að ritskoða efni á vefnum.

Dómstólinn komst að þeirri niðurstöðu að ættu upplýsingarnar ekki við lengur ætti sá sem upplýsingarnar fjölluðu um rétt á því að krefjast þess að þær yrðu fjarlægðar.