Birgir Bieltvedt eignast helmingshlut í Gló

Fjárfestirinn Birgir Þór Bieltvedt og eiginkona hans, Eygló Björk Kjartansdóttir, hafa keypt helmingshlut í veitingahúsakeðjunni Gló en þetta kemur fram í Viðskiptablaðinu í dag.

Sólveig Eiríksdóttir og Elías Guðmundsson, verða áfram eigendur fyrirtækisins ásamt nýjum fjárfestum.

Veitingarstaðir Gló eru þrír talsins en stefnt er að því opna fleiri staði í nánustu framtíð.

Til lengri tíma litið sé horft til að opna veitingastaði undir nafninu Gló erlendis en fram kemur í frétt Viðskiptablaðsins að horft sé á skandínavískan og bandarískan markað.