Svona vann Hamilton þriðju keppnina í röð - myndband

Stöð 2 Sport sýndi beint frá Formúlu 1 kappakstrinum í Kína í morgun og eftir kappaksturinn var farið yfir það helsta sem gerðist í keppninni í dag. Nú er hægt að sjá Samantektarþáttinn hér inn á Vísi.

Lewis Hamilton hjá Mercedes vann þarna sinn þriðja kappakstur í röð og Mercedes-liðið vann tvöfaldan sigur alveg eins og í hinum tveimur keppnunum á undan.

Nico Rosberg, liðsfélagi Lewis Hamilton, hefur verið í efstu tveimur sætunum í fyrstu fjórum keppnum tímabilsins og hefur fjögurra stiga forskot á Lewis Hamilton í keppni ökumanna.

Hér fyrir ofan má sjá samantektina frá Kína-kappakstrinum í dag.