Sjóvá skráð í Kauphöllina í dag

Hlutabréf tryggingafélagsins Sjóvár verða tekin til viðskipta á Aðalmarkaði Kauphallarinnar, Nasdaq OMX Iceland, í dag.

Sjóvá er fyrsta félagið sem skráð í Kauphöllina á þessu ári og það flokkast sem lítið félag (e. small cap).

„Sjóvá er íslenskt vátryggingafélag með alhliða starfsemi á Íslandi á sviði skaða- og líftrygginga. Félagið er stærst íslenskra vátryggingafélaga á sviði líf- og heilsutrygginga og næst stærst á sviði skaðatrygginga. Starfstöðvar félagsins eru tólf víðsvegar um landið og fjöldi starfsmanna er um 200. Markmið Sjóvár er að vera þekkt af verkum sínum sem traust og framsækið þjónustufyrirtæki með sanngirni og fagmennsku að leiðarljósi," segir í tilkynningu Kauphallarinnar um skráninguna. 

Hlutafjárútboði Sjóvár lauk 31. mars síðastliðinn. Heildareftirspurn í útboðinu var 35,7 milljarðar króna og því rúmlega sjöfalt meiri en 4,7 milljarða söluandvirði þeirra hluta sem boðnir voru út.