Viðskipti innlent

VR gagnrýnir hækkun stjórnarlauna í Arion

Stefán Árni Pálsson skrifar
Ólafía B. Rafnsdóttir, formaður VR
Ólafía B. Rafnsdóttir, formaður VR
VR hefur sent stjórnarmönnun og eigendum Arion banka bréf þar sem nýlegri ákvörðun stjórnarinnar um 7% hækkun stjórnarlauna er mótmælt en þetta kemur fram í fréttatilkynningu frá VR.

Í bréfinu, sem undirritað er af formanni VR, Ólafíu B. Rafnsdóttur, segir að ákvörðun bankans gangi í berhögg við þá sátt sem náðist á vinnumarkaði í síðustu kjarasamningum og skorar félagið á stjórnina að draga þessa ákvörðun til baka.

Bréfið má lesa hér að neðan.

VR mótmælir harðlega ákvörðun stjórnar Arion banka frá því í mars 2014 að hækka laun stjórnarmanna bankans um 7%. Ákvörðun stjórnarinnar gengur í berhögg við þá sátt sem náðist á almennum vinnumarkaði í síðustu kjarasamningum þegar samið var um 2,8% almenna hækkun launa.

Markmið kjarasamninganna er að stuðla að auknum kaupmætti almenns launafólks sem hefur tekið á sig umtalsverða kjaraskerðingu á síðustu árum.  Til þess að ná því markmiði verða allir að sitja við sama borð, líka stjórnir fjármálafyrirtækja – 7% launahækkun stjórnarmanna í Arion banka er óásættanleg.

VR skorar á stjórn bankans að draga ákvörðunina til baka og leggja þannig sitt af mörkum til að tryggja þann stöðugleika sem íslenskt launafólk gerir réttmæta kröfu um.



Mest lesið


Fleiri fréttir

Sjá meira


×

Mest lesið