Stapi greiði Glitni 3,6 milljarða

Stapi lífeyrissjóður hefur verið dæmdur til að greiða Glitni hf.rúmlega 3,6 milljarða króna vegna ógreiddra afleiðusamninga.

Dómsmálið var höfðað vegna átján samninga sem ekki höfðu verið gerðir upp, og gerði Glitnir þá kröfu að allir þeir yrðu greiddir. Glitnir byggir á því að samningar hafi verið gerðir af skrifstofustjóra Stapa og voru lagðar fram hljóðupptökur því til staðfestingar.

Sýknukröfur Stapa voru reistar á því að umræddir samningar hefðu aldrei komist á og væru óundirritaðir.

Lífeyrissjóður Austurlands, Lífeyrissjóður Norðurlands og Stapi gerðu fjölda samninga við Glitni á árunum 2002 til 2008, en lífeyrissjóðirnir tveir sameinuðust í Stapa lífeyrissjóð árið 2007.