600 milljónir til góðgerðarmála

Malcolm Walker, stofnandi og forstjóri bresku matvöruverslunarinnar Iceland, afhenti á dögunum Alzheimer’s ­Research UK, samtökum sem helga sig rannsóknum á Alzheimer, eina milljón punda, sem samsvarar tæplega 190 milljónum íslenskra króna.

Iceland Foods hefur samanlagt styrkt samtökin um tæplega 600 milljónir króna undanfarin þrjú ár. Walker hóf söfnun fyrir samtökin árið 2011 þegar hann kleif Everest ásamt syni sínum. Árið eftir reyndi hann við Suðurpólinn, og árið 2013 gaf hann út sjálfsævisöguna Best Served Cold: The Rise, Fall and Rise Again of Malcolm Walker, en allur ágóði bókarinnar rann til samtakanna.