Traust skortir í ferðaþjónustu

Það virðist ljóst að traust skortir í ferðaþjónustu á því að tekjur af einni sameiginlegri skattlagningu eða gjaldtöku skili sér á rétta staði. Allir vita að útvarpsgjaldið skilar sé ekki alfarið til RÚV og að ýmis gjöld á eldsneyti skila sér ekki á tilætlaða staði. Þetta kemur fram í Hagsjá hagfræðideildar Landsbankans.

Þar segir jafnframt að ætla megi að fjöldi ferðamanna verði tvöfaldaður miðað við árið 2010, eða tæplega þrefaldur íbúafjöldi landsins. Tekjur hins opinbera af þeim, til að mynda vegna virðisaukaskatts og eldsneytisgjalda, hafi því aukist verulega. Þá segir að eitt hlutverk hins opinbera sé að hafa forystu um verkaskiptingu og þátttöku allra aðila, svo sem sveitarfélag, landeigenda og fyrirtækja til þess að árangur náist.

Sé vilji til aukinnar skattlagningar á ferðamenn gæti heppilegur tími verið núna og tímasetning fyrir upptöku gjaldtöku sérstaklega góð núna.

Í skýrslunni kemur einnig fram að ýmislegt bendi til þess að ekki sé hægt að ráða við áframhaldandi fjölgun ferðamanna að öllu óbreyttu sé gengið út frá hefðbundnum vinnuaðferðum og þróun í greininni.