Læknir með 2.350 milljónir í laun

Sjö læknar í Bandaríkjunum fengu meira en 10 milljón dollara hver frá ríkinu árið 2012 fyrir vinnu sína og hátt í 4.000 aðrir læknar tóku við 1 milljón dollara eða meira. Þetta eru ógnarháar tölur en 10 milljón dollarar eru 1.130 milljónir króna. Í þessum greiðslum eru ekki meðtaldar þær tekjur sem læknarnir höfðu fyrir einkarekin störf sín.

Það var forsetinn Obama sem ákvað að rýna í þær greiðslur sem þarlendir læknar fá frá hinu opinbera og birta þær almenningi. Rannsóknin tók til 825.000 lækna nú en engar tölur um greiðslur úr „Medicare“-greiðslukerfinu bandaríska hafa birst frá árinu 1979 og upplýsingar þaðan í raun verið faldar með kerfisbundnum hætti.

Mörgum Bandaríkjamanninum hefur brugðið mjög við þær tölur sem þarna sjást nú. Hæstu greiðslurnar til eins læknis reyndust vera 20,8 milljónir dollarar, eða 2.350 milljónir króna á árinu 2012 og voru þær greiddar til læknis í West Palm Beach í Flórída. Vilja sumir meina að margir læknar misnoti greiðslukerfið og samkvæmt tölum frá rannsakendum FBI eru á milli 3% og 10% greiðslna innheimtar með ólöglegum hætti.