Viðskipti innlent

Húðvörur Sif Cosmetics verðlaunaðar í Belgíu

Haraldur Guðmundsson skrifar
Lene Kemps, ritstjóri WEEKEND KNACK, Anne Coens, dreifiaðili BioEffect í BeNeLux löndunum og Delphine Kindermans, ritstjóri Le VIF WEEKEND.
Lene Kemps, ritstjóri WEEKEND KNACK, Anne Coens, dreifiaðili BioEffect í BeNeLux löndunum og Delphine Kindermans, ritstjóri Le VIF WEEKEND. Mynd/SifCosmetics
Húðvörur íslenska nýsköpunarfyrirtækisins Sif Cosmetics, BioEffect, hlutu nýverið verðlaun sem bestu snyrtivörur í flokki nýrra vara í Belgíu árið 2014. Verðlaunin voru veitt af helgarútgáfu belgísku fréttatímaritanna Knack og Le Vif, síðastliðinn þriðjudag.

„Íslensku BIOEFFECT vörurnar voru í góðum félagsskap því aðrir vinningshafar þetta árið eru; Chanel, Helena Rubinstein, Armani, L'Oreal, Estee Lauder, Paco Rabanne, Clarins, Shu Uemura og Dolce & Gabbana,“ segir í tilkynningu Sif Cosmetics, dótturfélags ORF Líftækni.

Í tilkynningunni segir að verðlaunin séu eftirsóttustu verðlaun snyrtivörugeirans í Belgíu. Húðvörur Sif Cosmetics fást nú í 450 verslunum í meira en tuttugu löndum um allan heim. 



Mest lesið


Fleiri fréttir

Sjá meira


×

Mest lesið