Verða afborganir bandarískra námslána eins og hjá LÍN?

Í Bandaríkjunum hafa afborganir námslána þótt nokkuð íþyngjandi fyrir námsmenn og hafa þeir hingað til þurft að hefja greiðslu þeirra 6 mánuðum eftir lok náms og skal lokið á 10 árum. Námsmönnum hefur reyndar verið gert kleift að lengja afborganir til 25 ára, en þær hafa ekki verið tengdar launum þeirra hingað til.

Það gæti verið að breytast samkvæmt nýlegum tillögum þar vestra og þykja bæði manneskjulegar og mikil breyting á fyrri högum. Ef þessar tillögur um að tengja afborganir námsmanna við tekjur þeirra í framtíðinni sést að þær eru í takt við það kerfi sem hér á landi er við lýði af afborgunum námslána sem tekin eru hjá Lánsjóði íslenskra námsmanna.

Greitt er af þeim með einni fastri lágri greiðslu á ári hverju en önnur afborgun tengist síðan tekjum þess sem lánin hvíla á og nema þau oftast mun hærri upphæð. Þannig hefur tekjuháum einstaklingum tekist að greiða að fullu lán sín snemma á lífsleiðinni, en þeim tekjulægri jafnvel ekki láðst að greiða lánin að fullu og eru þá eftirstöðvarnar afskrifaðar.

Þessar nýju hugmyndir í Bandaríkjunum ganga út á að námsmenn greiði 18% af tekjum sínum ef árslaun eru hærri en 25.000 dollarar á ári, en 10% ef þær eru lægri. Í tillögunum erum einnig ákvæði um afskriftir lána eftir einhvern tíma sem ekki er enn ákveðið hver verður. Það er Blooberg Businessweek sem greinir frá þessum nýju hugmyndum.