Vilja nýjan hægriflokk sem yrði leiðandi afl í stjórnmálunum Þorbjörn Þórðarson skrifar 29. mars 2014 18:30 Í undirbúningi er stofnun nýs stjórnmálaflokks hægra megin við miðju sem vill klára viðræður við Evrópusambandið. Verið er að kanna afstöðu fólks til slíks flokks í könnun sem óánægðir sjálfstæðismenn standa fyrir. Evrópusinnar eru í miklum minnihluta í Sjálfstæðisflokknum en þónokkuð háværum minnihluta. Þannig hafa margir áhrifamenn innan flokksins verið óánægðir með stefnu flokksins í Evrópumálum um nokkra hríð. Þessi óánægja hefur verið áberandi eftir landsfundi flokksins en náði ef til vill hámarki á dögunum þegar þingsályktunartillaga ríkisstjórnarinnar um slit viðræðna við ESB var lögð fram, en tillagan gengur lengra en landsfundarályktanir beggja stjórnarflokkanna og stefnuyfirlýsing ríkisstjórnarinnar en þar er talað um að gera skuli hlé á viðræðum. MMR hefur unnið skoðanakönnun sem nú stendur yfir þar sem fólk er beðið að lýsa afstöðu sinni til forystumanna í íslenskum stjórnmálum og forseta Íslands. Þá er nafn Þorsteins Pálssonar á listanum. Síðari spurningin í skoðanakönnuninni er athyglisverð en hún hljómar svona:„Kæmi til greina að þú kysir nýtt framboð hægrimanna, sem nyti stuðnings Þorsteins Pálssonar fyrrverandi formanns Sjálfstæðisflokksins, ef það byði fram í næstu Alþingiskosningum?“Þrjár stoðir nýs stjórnmálaafls Fréttastofan hefur í dag rætt við einstaklinga sem standa að baki undirbúningi að stofnun hins nýja flokks. Rætt er um þrjár stoðir í undirbúningnum. Í fyrsta lagi er það hin pólitíska ásýnd flokksins. Hér er um að ræða núverandi og fyrrverandi frambjóðendur og áhrifamenn í Sjálfstæðisflokknum. Í öðru lagi er að það skipulagning og framkvæmd en í þessum hópi verður fólk sem vill leggja flokknum lið, hið eiginlega flokkssstarf. Þriðja stoðin er fjármagn, en á bak við þessa stoð eru auðugir sjálfstæðismenn sem hafa fengið sig fullsadda af því sem þeir telja vera einangrunarhyggju flokksins. Þessir einstaklingar munu verða í bakvarðasveit í fjáröflun hins nýja flokks. Samkvæmt heimildum fréttastofu verður fjármögnun helst byggð upp með fjárframlögum einstaklinga og smærri fyrirtækja í atvinnulífinu en stórfyrirtækjum er erfiðara um vik að styrkja stjórnmálaöfl þar sem þau eru mörg hver skráð á markað. Markmiðið er að safna 200-300 milljónum króna og að hinn nýi flokkur verði leiðandi afl í íslenskum stjórnmálum sem myndi fyrst bjóða fram í næstu alþingiskosningum. Heimildarmenn fréttastofu segja að stefna hins nýja flokks verði líklega lík stefnu Sjálfstæðisflokksins að því undanskildu að skýr áhersla verði á að ljúka aðildarviðræðum við Evrópusambandið og bera aðildarsamning undir þjóðaratkvæði.Enn á óformlegum nótum Benedikt Jóhannesson formaður Sjálfstæðra Evrópumanna segir að stofnun nýs flokks sé enn á mjög óformlegum nótum. „Ég heyri það á mörgum sem hafa samband við mig að þeim finnst enginn af þessum flokkum sem eru að starfa núna höfða beint til sín þannig að ég held að flokkur af þessu tagi myndi ekki höfða sérstaklega til fólks bara úr einum flokki heldur víðar að.“Með þennan málstað, skipulagningu og rétt fólk í pólitískri forystu, myndir þú ganga úr Sjálfstæðisflokknum og styðja slíkan flokk? „Ég er í Sjálfstæðisflokknum og er ekki í öðrum flokkum. Það hefur enginn annar flokkur verið stofnaður en ég hins vegar skil fólk vel sem hugsar á þessum nótum og ég held að það væri mikill hljómgrunnur fyrir slíkan flokk,“ segir Benedikt. Þorsteinn Pálsson sagði í samtali við Stöð 2 í dag að könnun MMR hefði verið gerð án sinnar vitundar. Hann sagðist ekki hafa vitað af því fyrirfram að sitt nafn yrði þarna. Þá sagði hann aðspurður ótímabært að svara því hvort hann myndi styðja nýtt framboð Evrópusinnaðra hægrimanna. „Ég held að þessi mál séu ekki komin það langt að það sé tilefni til að spyrja þannig. Ég hef ekki verið að hugsa á þeim nótum,“ sagði Þorsteinn sem er 66 ára og var formaður Sjálfstæðisflokksins frá 1983-1991. Þorsteinn flutti ræðu á Iðnþingi á dögunum sem vakti nokkra athygli. Þar fór hann yfir sögu samskipta Íslands við umheiminn á liðnum áratugum og hugmyndafræðileg átök milli sósíalisma og kapítalisma. Ræðuna má nálgast hér. Þorsteinn er í hópi þeirra sem telja að aðild Íslands að Evrópusambandinu sé rökrétt framhald af áratuga þátttöku Íslands í alþjóðasamvinnu í gegnum stofnanir eins og Atlantshafsbandalagið. Mest lesið Stúlkan sem fór í sjóinn er látin Innlent Beinaber gísl látinn grafa eigin gröf á Gasa Erlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Kvenfólkið í Eyjum bjargaði deginum Innlent Fagna afmæli virkjunar sem sökkti sveitajörðum en rafvæddi síldarbæ Innlent Stúlka í sjóinn við Reynisfjöru Innlent Að bugast á hálf nöktum ferðamönnum og beita sektum Erlent Aldrei upplifað annað eins: „Það eru öll stígvél á þessari eyju uppseld“ Innlent „Varla gangfær“ og „skulfu eins og hríslur“ Innlent Fleiri fréttir Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Sjá meira
Í undirbúningi er stofnun nýs stjórnmálaflokks hægra megin við miðju sem vill klára viðræður við Evrópusambandið. Verið er að kanna afstöðu fólks til slíks flokks í könnun sem óánægðir sjálfstæðismenn standa fyrir. Evrópusinnar eru í miklum minnihluta í Sjálfstæðisflokknum en þónokkuð háværum minnihluta. Þannig hafa margir áhrifamenn innan flokksins verið óánægðir með stefnu flokksins í Evrópumálum um nokkra hríð. Þessi óánægja hefur verið áberandi eftir landsfundi flokksins en náði ef til vill hámarki á dögunum þegar þingsályktunartillaga ríkisstjórnarinnar um slit viðræðna við ESB var lögð fram, en tillagan gengur lengra en landsfundarályktanir beggja stjórnarflokkanna og stefnuyfirlýsing ríkisstjórnarinnar en þar er talað um að gera skuli hlé á viðræðum. MMR hefur unnið skoðanakönnun sem nú stendur yfir þar sem fólk er beðið að lýsa afstöðu sinni til forystumanna í íslenskum stjórnmálum og forseta Íslands. Þá er nafn Þorsteins Pálssonar á listanum. Síðari spurningin í skoðanakönnuninni er athyglisverð en hún hljómar svona:„Kæmi til greina að þú kysir nýtt framboð hægrimanna, sem nyti stuðnings Þorsteins Pálssonar fyrrverandi formanns Sjálfstæðisflokksins, ef það byði fram í næstu Alþingiskosningum?“Þrjár stoðir nýs stjórnmálaafls Fréttastofan hefur í dag rætt við einstaklinga sem standa að baki undirbúningi að stofnun hins nýja flokks. Rætt er um þrjár stoðir í undirbúningnum. Í fyrsta lagi er það hin pólitíska ásýnd flokksins. Hér er um að ræða núverandi og fyrrverandi frambjóðendur og áhrifamenn í Sjálfstæðisflokknum. Í öðru lagi er að það skipulagning og framkvæmd en í þessum hópi verður fólk sem vill leggja flokknum lið, hið eiginlega flokkssstarf. Þriðja stoðin er fjármagn, en á bak við þessa stoð eru auðugir sjálfstæðismenn sem hafa fengið sig fullsadda af því sem þeir telja vera einangrunarhyggju flokksins. Þessir einstaklingar munu verða í bakvarðasveit í fjáröflun hins nýja flokks. Samkvæmt heimildum fréttastofu verður fjármögnun helst byggð upp með fjárframlögum einstaklinga og smærri fyrirtækja í atvinnulífinu en stórfyrirtækjum er erfiðara um vik að styrkja stjórnmálaöfl þar sem þau eru mörg hver skráð á markað. Markmiðið er að safna 200-300 milljónum króna og að hinn nýi flokkur verði leiðandi afl í íslenskum stjórnmálum sem myndi fyrst bjóða fram í næstu alþingiskosningum. Heimildarmenn fréttastofu segja að stefna hins nýja flokks verði líklega lík stefnu Sjálfstæðisflokksins að því undanskildu að skýr áhersla verði á að ljúka aðildarviðræðum við Evrópusambandið og bera aðildarsamning undir þjóðaratkvæði.Enn á óformlegum nótum Benedikt Jóhannesson formaður Sjálfstæðra Evrópumanna segir að stofnun nýs flokks sé enn á mjög óformlegum nótum. „Ég heyri það á mörgum sem hafa samband við mig að þeim finnst enginn af þessum flokkum sem eru að starfa núna höfða beint til sín þannig að ég held að flokkur af þessu tagi myndi ekki höfða sérstaklega til fólks bara úr einum flokki heldur víðar að.“Með þennan málstað, skipulagningu og rétt fólk í pólitískri forystu, myndir þú ganga úr Sjálfstæðisflokknum og styðja slíkan flokk? „Ég er í Sjálfstæðisflokknum og er ekki í öðrum flokkum. Það hefur enginn annar flokkur verið stofnaður en ég hins vegar skil fólk vel sem hugsar á þessum nótum og ég held að það væri mikill hljómgrunnur fyrir slíkan flokk,“ segir Benedikt. Þorsteinn Pálsson sagði í samtali við Stöð 2 í dag að könnun MMR hefði verið gerð án sinnar vitundar. Hann sagðist ekki hafa vitað af því fyrirfram að sitt nafn yrði þarna. Þá sagði hann aðspurður ótímabært að svara því hvort hann myndi styðja nýtt framboð Evrópusinnaðra hægrimanna. „Ég held að þessi mál séu ekki komin það langt að það sé tilefni til að spyrja þannig. Ég hef ekki verið að hugsa á þeim nótum,“ sagði Þorsteinn sem er 66 ára og var formaður Sjálfstæðisflokksins frá 1983-1991. Þorsteinn flutti ræðu á Iðnþingi á dögunum sem vakti nokkra athygli. Þar fór hann yfir sögu samskipta Íslands við umheiminn á liðnum áratugum og hugmyndafræðileg átök milli sósíalisma og kapítalisma. Ræðuna má nálgast hér. Þorsteinn er í hópi þeirra sem telja að aðild Íslands að Evrópusambandinu sé rökrétt framhald af áratuga þátttöku Íslands í alþjóðasamvinnu í gegnum stofnanir eins og Atlantshafsbandalagið.
Mest lesið Stúlkan sem fór í sjóinn er látin Innlent Beinaber gísl látinn grafa eigin gröf á Gasa Erlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Kvenfólkið í Eyjum bjargaði deginum Innlent Fagna afmæli virkjunar sem sökkti sveitajörðum en rafvæddi síldarbæ Innlent Stúlka í sjóinn við Reynisfjöru Innlent Að bugast á hálf nöktum ferðamönnum og beita sektum Erlent Aldrei upplifað annað eins: „Það eru öll stígvél á þessari eyju uppseld“ Innlent „Varla gangfær“ og „skulfu eins og hríslur“ Innlent Fleiri fréttir Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Sjá meira