Atlantsolía lækkar dísellítrann

Atlantsolía lækkaði í dag verð á díselolíu um tvær krónur á lítrann og kostar hann nú 236 krónur og tíu aura. Fyrir réttu ári kostaði dísellítrinn 255 krónur og fjörutíu aura og hefur hann því lækkað um tuttugu krónur á einu ári.

Hugi Hreiðarsson, markaðsstjóri Atlantsolíu, segir að þetta spari íslenskum bíleigendum og öðrum þeim sem nota díselolíu, um níu milljónir króna á degi hverjum.

Helsta ástæðan fyrir þessum lækkunum er gengi krónunnar, sem nú stendur í 113 krónum gagnvart Bandaríkjadal en var 125 fyrir ári.