Már greiddi ekki skatt af málskostnaðinum

Sérfræðingar í skattarétti sem Viðskiptablaðið ræddi við telja staðgreiðsluskyldu hvíla á greiðslu vegna launadeilu Más Guðmundssonar seðlabankastjóra við bankann.

Már telur ekki að greiðsla Seðlabankans til hans vegna málaferla um launamál hans í héraðsdómi og Hæstarétti séu skattskyld hlunnindi, að því er kemur fram í svari Seðlabankans við fyrirspurn Viðskiptablaðsins. Hann hafi því ekki ekki greitt skatta af greiðslunni.

„Það hefur hingað til að ekki hvarflað að seðlabankastjóra að þetta séu skattskyld hlunnindi heldur kostnaður sem Seðlabankinn greiddi þar sem talið var að bankinn hefði einnig að því hagsmuni að útkljá málið fyrir dómi,“ segir meðal annars í svari Seðlabankans.

Sérfræðingar í skattarétti, sem Viðskiptablaðið ræddi við vegna málsins, segja um persónulegan kostnað Más sé að ræða og honum beri því að greiða bæði tekjuskatt af honum sem og að staðgreiðsluskylda sé á greiðslunni.