500 til 800 milljónir á ári til Háskólans

Happdrætti Háskóla Íslands fagnar 80 ára afmæli sínu um þessar mundir. Á mánudaginn voru liðin 80 ár frá fyrsta útdrættinum en hann var 10. mars 1934. „Útdrættirnir hafa nú verið vel yfir eitt þúsund,“ segir Bryndís Hrafnkelsdóttir, forstjóri Happdrættis Háskólans. 

„Við borguðum yfir einn milljarð í vinning á síðasta ári og það mun halda áfram á því róli,“ segir Bryndís. Vinningshlutfallið í miðahappadrættinu hefur verið 70 prósent frá fyrsta degi að sögn hennar. Í dag kostar miðinn 1300 krónur og það þýði að af hverjum miða fara 910 krónur aftur til miðaeiganda í formi vinninga. Restin rennur til uppbyggingu háskólans.

„Árlega erum við að greiða 500 til 800 milljónir á ári til háskólans,“ segir Bryndís. „Auk þess höfum við borgað 150 milljónir til Rannís. Þeim pening er svo úthlutað til kaupa á rannsóknartækjum þannig að sá peningur rennur líka til háskólasamfélagins.“

Ágóða happdrættisins er varið til þess að reisa byggingar á vegum Háskóla Íslands og frá árinu 1934 hafa verið byggðar yfir 20 byggingar fyrir happdrættisféð. Féð nýtist einnig til kaupa á kennslutækjum og viðhalds háskólabygginga. „Eimskipafélagssjóður Háskóla Íslands lagði fram 500 milljónir þegar Háskólatorg var byggt en að öðru leyti hafa byggingarframkvæmdir verið kostaðar af happdrættinu,“ segir Bryndís.