Draumaþota forstjóranna

Væntanlega þekkja fáir til fyrirtækisins General Dynamics í Bandaríkjunum en fyrirtækið er líklega frægara fyrir að framleiða hergögn fyrir bandaríska herinn er fyrir smíði einkaþotna sinna. Það hefur útvegað hernum skriðdreka og kjarnorkukafbáta sem geta skotið Trident eldflaugum, en hagnast nú á tá og fingri á sölu á mjög eftirsóttum einkaþotum.

Það er helst draumvélin Gulfstream G650 sem allir virðast vilja eignast sem býr til hagnað þess. Þessi vél kostar 7,3 milljarða en mörgum fyrirtækjum sem og einstaklingum munar lítið um að reiða þá fjárhæð fram til að eignast þessa hraðfleygu vél og eru tilbúnir til að borga yfirverð til að komast yfir hana.

Hún getur flogið á ríflega 1.000 km hraða í 30.000 fetum og hefur 11.000 km flugþol. Til að auka vellíðan flugfarþega um borð í vélinni er loftþrýstingur hærri en gengur og gerist í hefðbundnum farþegavélum og á það að koma í veg fyrir flugþreytu.

Vélin tekur 18 manns í sæti og er hlaðin þægindum. Viðarlögð matarborð spretta upp með einum takka ef hungrið sverfur að og allt er uppá það besta um borð. Hlutabréf í General Dynamics hafa hækkað um 60% á síðustu 12 mánuðum og velta fyrirtækisins á síðasta ári var 915 milljarðar króna.

General Dynamics mun ekki fá almennilega samkeppni frá öðrum flugvélaframleiðendum hvað varðar framleiðslu á sambærilegri vél fyrr en Bombardier Global 7000 vélin kemur á markað fyrr en árið 2016.