Seðlabankinn hafnaði öllum tilboðum

Fyrr á árinu bauðst Seðlabanki Íslands til að kaupa evrur í skiptum fyrir íslenskar krónur til fjárfestingar til langs tíma. Jafnframt kallaði Seðlabankinn eftir tilboðum frá aðilum sem vildu selja íslenskar krónur gegn greiðslu í reiðufé í erlendum gjaldeyri.

Útboðin tvö fóru fram í dag en ákvað Seðlabankinn að hafna öllum tilboðunum.

Alls bárust 98 tilboð um kaup á evrum, samtals að fjárhæð 33,1 milljón evra sem samsvarar rúmlega 5 milljarða íslenskra króna en með vísan til gr. 7. útboðsskilmálanna var ákveðið að hafna öllum þeim tilboðum.

Alls bárust 24 tilboð um kaup á krónum fyrir evrur, að fjárhæð 16,2 milljóna króna en með vísan til gr. 6. útboðsskilmálanna var ákveðið að hafna öllum þeim tilboðum líka.

Samkvæmt heimildum Vísis hefur ákvörðun Seðlabankans vakið vægast sagt mikla undrun.