Flogið til 49 borga í sumar

Fjórir nýir áfangastaðir bætast við leiðakerfi Keflavíkurflugvallar í ár. Ferðasíðan Túristi greinir frá þessu.

Í heildina verður flogið reglulega til 13 borga í N-Ameríku og 36 í Evrópu yfir sumartímbilið sem nær frá 30. mars og fram til 25. október.

Hægt verður að ferja rúmlega 1,7 milljónir farþega frá landinu á þessu sjö mánaða tímabili og jafn marga tilbaka á ný. Til samanburðar má nefna að á síðasta ári fóru tæplega 2,8 milljónir farþegar um Flugstöð Leifs Eiríkssonar.

Ríflega helmingur af öllum þessum flugsætum er í boði yfir sumarmánuðina þrjá en júlí er þeirra stærstur. Framboðið í ágúst er nærri því jafn mikið en nokkru minna í júní.