Mun fleiri snúa sér til Neytendasamtakanna

Neytendasamtökunum bárust 1.626 erindi á fyrstu tveimur mánuðum ársins, sem samsvarar um 40 erindum á dag. Í frétt á vef samtakanna segir að ef áfram heldur sem lætur muni erindi á árinu verða hátt í 9.800 alls.

 Erindin skiptast niður í fjóra flokka og verði skiptingin svipuð út árið stefnir í 51 prósent aukningu erinda á milli ára sem snúa að þjónustukaupum og 64 prósent aukningu varðandi vörukaup. „Mest er spurt vegna matvæla, ýmiss konar raftækja, fjarskiptaþjónustu, ferðaþjónustu og fjármálafyrirtækja,“ segir á vef Neytendasamtakanna.

Þá hefur Evrópsku neytendaaðstoðinni borist átta kvörtunarmál þar sem þörf er á milligöngu eða sáttamiðlun. Sem og 20 önnur erindi.