Krónan styrktist í febrúar

Krónan styrktist um eitt prósent á móti evru í febrúar og stóð í 155 krónum í lok mánaðarins. Í byrjun febrúar stóð hún í 156,6 krónum. Í Hagsjá Hagfræðideildar Landsbankans segir að alls hafi krónan styrkst um 6,5 prósent frá miðjum nóvember í fyrra, þegar evran kostaði rúmum tíu krónum meira.

Þá styrktist krónan um 3,4 prósent gegna Bandaríkjadal í mánuðinum og um 1,5 prósent á móti sterlingspundi.

Stærsta breytingin sem átti sér stað milli ára var að halli þáttatekjujafnaðarins var um 75 milljörðum króna minni 2013 en 2012. Sá viðsnúningur skýrist meðal annars af vöxtum á hluthafalánum sem lækkuðu um 28 milljarða króna á milli ára og á endurfjárfestingu hagnaðar. Sá jókst um 35 milljarða.

Gjaldeyrisstaða stóru viðskiptabankanna er mjög sterk og met var í viðskiptaafgangi á síðasta ári.