Ferðamannastraumur heldur áfram að aukast

Í febrúar fóru um 52 þúsund erlendir ferðamenn frá landinu, eða um 12.500 fleiri en á sama tíma í fyrra. Fjölgun ferðamanna á milli ára er um 31,2%. Þetta kemur fram á vef Ferðamálastofu.

Bretar voru fjölmennastir með um 43,5% af heildarfjölda ferðamanna og næst á eftir þeim voru Bandaríkjamenn með um 12,9% af heildarfjöldanum.

Norðmönnum fjölgaði um 4,8%, Þjóðverjum um 4,1%, Dönum um 3,6%, Hollendingum um 3,1%, Svíum um 2,5%, Japönum um 2,5% og Kínverjum um 2,2%. Framangreindar þjóðir voru um 84% ferðamanna í febrúar.

Af einstaka þjóðernum fjölgaði Bretum langmest milli ára en 6.850 fleiri Bretar komu í febrúar í ár. Bandaríkjamenn voru 1.386 fleiri, Frakkar 827 fleiri og Kanadamenn 765 fleiri. Það sem af er ári hafa 99.099 erlendir ferðamenn farið frá landinu eða um 26 þúsund fleiri en á sama tímabili í fyrra. Um er að ræða 35,3% aukningu milli ára.Um 21 þúsund Íslendingar fóru utan í febrúar síðastliðnum, 428 fleiri en í febrúar árið 2013.

Frá áramótum hafa 46.812 Íslendingar farið utan, 6,2% fleiri en árinu áður en þá fóru 44.089 utan.