Teiknimyndasaga byggð á „sannri sögu“

CCP hefur í samstarfi við myndasögufyrirtækið Dark Horse, gefið út teiknimyndabók úr EVE heiminum. Fyrsta eintakið sem ber nafnið Thieves Among Us er komið út og er hægt að lesa það ókeypis á heimasíðu Dark Horse.

Sagt er frá þessu á samfélagssíðu EVE Online leiksins.

Myndasögurnar eru einstakar að því leyti að þær eru byggðar á atburðum sem gerðust í raun og veru í leiknum. Þegar „ofurveldið“ Band of Brothers hrundi og verður sagan sögð frá sjónarhorni leikmannsins Haargoth Agamar.

Þó margar hliðar séu á sögunni var sú saga valin sem flestir hafa gefið atkvæði sitt á vef EVE Online.

Sögunni er skipt niður í fjóra hluta, en fyrsti hlutinn kom út í gær. Hluti tvö mun koma út þann 5. mars, þriðji hluti þann 19. mars og lokahlutinn 2. apríl. Öll blöðin verða ókeypis fram að júní

Fyrsta blaðið er hægt að lesa hér en nauðsynlegt er að skrá sig á vefsíðu Dark Horse.