Viðskipti innlent

Hækkun á skilagjaldi

Fanney Birna Jónsdóttir skrifar
Á árinu 2013 voru bestu skil á drykkjarumbúðum sem mælst hafa hér á landi eða um 90%.
Á árinu 2013 voru bestu skil á drykkjarumbúðum sem mælst hafa hér á landi eða um 90%. Vísir/Pjetur
Þann 1. mars næstkomandi mun skilagjald drykkjarumbúða hækka úr 14 krónum í 15 krónur á hverja umbúð.

Þetta mun þýða 1 krónu hækkun á drykkjum í skilakerfi, en Endurvinnslan bendir á í tilkynningu að þessi hækkun er tilkominn vegna skilagjalds sem fæst endurgreitt, ekki er um almenna hækkun að ræða frá framleiðendum og innflytjendum.
 
Á árinu 2013 voru bestu skil á drykkjarumbúðum sem mælst hafa hér á landi eða um 90%.

Frá stofnun Endurvinnslunnar 1989 hefur fyrirtækið móttekið um 1.775.000.000 dósir og flöskur. Lagðar hver ofan á aðra, myndu þessar umbúðir ná um 390 þúsundir kílómetra, en það er nokkurn vegin vegalengdin til tunglsins, segir í tilkynningu frá Endurvinnslunni.
 
Árlega flytur Endurvinnslan út um 750 tonn af áli sem verða nýjar áldósir 60 dögum seinna og um 1.800 tonn af plasti sem notað er í ýmsar vörur eins og flís. 

Fréttastofa Stöðvar 2 fjallaði um málið í júlí á síðasta ári.


Mest lesið


Fleiri fréttir

Sjá meira


×

Mest lesið