Mikil hækkun vísitölu eftir útsölur

Vísitala neysluverðs var 418,7 stig í febrúar og hækkaði um 0,67 prósent á milli mánaða. Vísitala neysluverðs án húsnæðis er 394,9 stig og hækkaði um 0,87% frá janúar. Þetta kemur fram á vef Hagstofu Íslands og þar segir að helstu ástæðurnar séu útsölulok og hækkun

Eftir að útsölum lauk hækkaði verð á fötum og skóum um 7,1% og hafði áhrif á vísitöluna um 0,33 %. Þá hækkuðu flugfargjöld til útlanda um 11,0% sem hafði 0,14% áhrif á vísitöluna. Verð á dagvörum lækkaði um 0,6% sem olli 0,11%lækkun á vísitölunni.

Vísitala neysluverðs hefur hækkað um 2,1% á síðustu tólf mánuðum og vísitalan án húsnæðis um 0,8%. Síðustu þrjá mánuði hefur vísitalan hækkað um 0,5% sem jafngildir 1,9% verðbólgu á ári.