Gistinóttum í desember fjölgaði um 31%

Gistinætur á hótelum í desember voru 117.000 samanborið við 89.216 nætur í október 2012. Gistinóttum fjölgaði því um 31 prósent milli ára. Þetta kemur fram á vefsíðu Hagstofu Íslands.

Þar segir að gistinætur erlendra gesta hafi verið 84 prósent af heildarfjölda gistinátta í mánuðinum, sem var aukning um 43 prósent frá októbermánuði 2012. Gistinóttum Íslendinga fækkaði um fimm prósent.

Þegar tölur yfir einstaka landshluta eru skoðaðar sést að gistinætur á hótelum höfuðborgarsvæðisins voru 93.200, sem er aukning um 27 prósent frá sama mánuði í fyrra. Á Suðurlandi voru 9.600 gistinætur í desember sem er aukning um 66 prósent milli ára. Á Austurlandi fjölgaði gistinóttum um 62 prósent milli ára þegar þær voru 1.700. Á Norðurlandi voru gistinæturnar 4.500, sem er átta prósenta aukning. Á samanlögðu svæði Vesturlands og Vestfjarða voru gistinæturnar 2.200 talsins, sem var aukning um 135 prósent. Að lokum voru gistinætur á Suðurnesjum 6.000, sem er um 48 prósenta aukning frá október 2012.

Gistinætur á hótelum fyrir árið 2013 voru 2.047.022 til samanburðar við 1.794.367 gistinætur árið 2012. Frá árinu 2012 hefur gistinóttum erlendra gesta hefur fjölgað um 15% á meðan gistinóttum Íslendinga hefur fjölgað um 10%.