Sigurjón fær ekki einn og hálfan milljarð

Kröfum Sigurjóns Sighvatssonar og félags í hans eigu, Ofanleiti ehf, í þrotabú Glitnis var hafnað.

Eins og sagt er frá í Viðskiptablaðinu hljóðuðu kröfurnar upp á um einn og hálfan milljarð króna. Sigurjón lagði fram kröfurnar vegna þess að hann og tengdafólk hans keyptu félagið VG Investments sem var óskráð félag í Danmörku árið 2005. Starfsmaður einkabankaþjónustu Glitnis veitti ráðgjöf við kaupin. Sigurjón og tengdafólk hans töldu þjónustuna sem ráðgjafinn veitti hafa verið ófullnægjandi. Mikið tap varð af fjárfestingu þeirra í þessu danska félagi.

Héraðsdómur tók ekki undir málatilbúnað þeirra um að Glitnir væri skaðabótaskyldur vegna tapsins.