Fasteignamarkaðurinn hóflega verðlagður

Greiningardeild Arion banka telur að íslenski fasteignamarkaðurinn sé hóflega verðlagður þessa stundina og að svigrúm sé til hækkana í takt við þróun ráðstöfunartekna og spá um aukin umsvif í hagkerfinu.

Þetta kom fram í erindi Regínu Bjarnadóttir forstöðumanns greiningardeildarinnar á Framkvæmdaþingi Húsasmiðjunnar sem haldið var í Hörpu í morgun þar sem hún kynnti horfur á fasteignamarkaði til 2015. Þar rifjaði Regína upp spá bankans frá því í desember um sjö til átta prósenta hækkun fasteignaverðs á árunum 2014 og 2015, eða um fjórtán prósenta hækkun næstu tvö árin.