Kortavelta á hvern ferðamann eykst

Sé litið til ársins 2013 í heild nam kortavelta erlendra ferðamanna alls 91,3 milljörðum króna samanborið við 74,4 milljarða árið áður. Það er aukning um 23 prósent að nafnvirði á milli ára, en aukning fjölda ferðamanna var 21 prósent.

Þetta kemur fram í Morgunkorni Greiningar Íslandsbanka.

Kortavelta íslendinga í útlöndum jókst hins vegar mun minna, eða um sjö prósent að nafnvirði. Í heild var hún 78,6 milljarðar króna samanborið við 73,5 milljarða 2012. Því var kortaveltujöfnuður hagstæður um 12,7 milljarða króna á síðasta ári.

„Þegar litið er á þróunina innan ársins má sjá að kortavelta erlendra ferðamanna jókst hvað mest á fyrstu mánuðum ársins en minnst á háannartímanum, þ.e. júní-ágúst.“ Það er í samræmi við tölur frá Ferðamálastofu sem sýna að brottförum erlendra ferðamanna fjölgaði hvað mest utan háannatíma.

Kortavelta útlendinga hér á landi óx verulega í desember síðastliðnum samanborið við desember 2012. Samkvæmt tölum frá Seðlabankanum nam kortaveltan um fimm milljörðum króna í desember.

Það er aukning um rúm 31 prósent í krónum talið á milli ára. Samkvæmt tölum frá Ferðamálastofu fjölgaði brottförum erlendra ferðamanna um Keflavíkurflugvöll um 49 prósent í desember. „Þó liggur ekki nákvæmlega sama tímabil undir hér og mun sú gríðarlega aukning sem átti sér stað á fjölda erlendra ferðamanna í desember væntanlega hafa áhrif á kortatölur janúarmánaðar,“ segir í Morgunkorni.

Þá nam kortavelta íslendinga í útlöndum alls 6,7 milljörðum í desember og var mismunur á veltu erlendra ferðamanna á Íslandi og Íslendinga í útlöndum því tæplega 1,7 milljarður króna. Árið 2012 var munurinn 2,2 milljarðar króna.

„Í raun er hér um að ræða minnsta halla á kortaveltujöfnuði í desembermánuði frá upphafi, þó að desember 2008 undanskildum þegar utanlandsferðir Íslendinga voru í hálfgerðum lamasessi.“

Sé litið til ársins 2013 í heild nam kortavelta erlendra ferðamanna alls 91,3 milljörðum króna samanborið við 74,4 milljarða árið áður. Það er aukning um 23 prósent að nafnvirði á milli ára, en aukning fjölda ferðamanna var 21 prósent.

Kortavelta íslendinga í útlöndum jókst hins vegar mun minna, eða um sjö prósent að nafnvirði. Í heild var hún 78,6 milljarðar króna samanborið við 73,5 milljarða 2012. Því var kortaveltujöfnuður hagstæður um 12,7 milljarða króna á síðasta ári.

„Þegar litið er á þróunina innan ársins má sjá að kortavelta erlendra ferðamanna jókst hvað mest á fyrstu mánuðum ársins en minnst á háannartímanum, þ.e. júní-ágúst.“ Það er í samræmi við tölur frá Ferðamálastofu sem sýna að brottförum erlendra ferðamanna fjölgaði hvað mest utan háannatíma.