Ferðuðust um Suðurland á sextán Land Rover-jeppum

„Það er ánægjulegt að sjá hvað janúar fer vel af stað og það er mikið um bókanir fram undan. Þetta er árstími hvataferða en það er óvenjulegt að þetta byrji svona snemma,“ segir Jón Baldur Þorbjörnsson, eigandi og stofnandi Bílaleigunnar Ísaks.

Fyrirtækið leigði hópi franskra ferðamanna sextán Land Rover-jeppa í gær. Ferðamennirnir lögðu af stað frá Hörpu í dagsferð austur á Stokkseyri.

„Við erum búin að reka jeppaleiguna í sex ár og það er mikil eftirspurn á öllum tímum ársins að nóvember frátöldum. Ég reikna með að við höfum séð um 20-25 prósenta aukningu á síðasta ári miðað við árið á undan,“ segir Jón.