Makríllinn er snemma á ferðinni þetta sumarið

Töluvert af makríl er gengið á Íslandsmið, sem er heldur fyrr en gerst hefur undanfarin ár. Hans hefur orðið vart bæði suður og vestur af landinu og telja sjómenn að sjávarhitinn valdil því hversu snemma hann kemur að landinu.

Hann er hinsvegar rýr í roðinu, enda er hann kominn hingað í ætisleit og spik fitnar hér yfir sumarið. Þá fyrst verður hann góð markaðsvara.

Veiðarnar mega hefjast um næstu mánaðamót, en þá verða fjölveiðiskipin væntanlega búin með kolmunnakvótann.