Loðnuskipin bundin við bryggju

Nær öll íslensku loðnuskipin og tólf norsk skip lágu bundin við bryggjur á Norð- austurlandi um helgina og Hafarnnsóknaskipið Árni Friðriksson er enn á Akureyri eftir að skipið hætti loðnuleit í síðustu viku.

Þrátt fyrir leiðinda veður eystra um helgina, var það ekki svo slæmt að skipin hefðu ekki haldið til veiða, ef einhverja loðnu væri að finna, en nú eru að verða tíu dagar síðan hún hvarf. Ein undantekning er þó á því, eitt skip fékk aðeins hundrað tonn í fjögurra sólarhringa veiðiferð, í síðustu viku, sem þykir afar slæmur árangur.