Dræm loðnuveiði dregur úr hagvexti

Hagvaxtaráhrif af mögulega miklum samdrætti í loðnuveiði á milli ára yrðu umtalsverð samkvæmt Hagsjá greiningardeildar Landsbankans. Nú lítur út fyrir að ekkert verði veitt af loðnu umfram byrjunarkvótann sem var 80 þúsund tonn, en til samanburðar voru veidd um 450 þúsund tonn á síðasta ári. Árið 2012 veiddust 570 þúsund tonn af loðnu.

 

Illa gengu að finna loðnu í veiðanlegu magni og sagt var frá því á Vísi í morgun að nær öll íslensku loðnuskipin og tólf norsk hefðu legið bundin við bryggjur á Norð- austurlandi um helgina.

Á síðasta ári nam aflaverðmæti loðnu 16,4 milljörðum króna og á föstu gengi og verði myndu 80 þúsund tonn nú þýða 2,9 milljarða aflaverðmæti. Áhrif á landsframleiðslu yrðu því um 13,5 milljarðar króna til lækkunar. Þannig gæti minni loðnuveiði haft neikvæð áhrif á hagvöxt upp á 0,8 prósent.