Mikil söluaukning á þorrabjór

Sala á þorrabjór hófst á bóndadaginn síðastliðin föstudag. Sala fyrstu helgina var um 23 þúsund lítrar sem er talvert meira en árið 2013 þegar salan fyrstu tvo söludagana var 15,7 þúsund lítrar.

Söluaukningin þessa tvo fyrstu daga er því 45%. Í ár eru átta tegundir í boði en í fyrra voru þær fimm. Það er hugsanlega hluti skýringarinnar á þessari miklu söluaukningu.

Mest var selt af Þorrakalda eða 8,7 þúsund lítrar. Heildarsala þorrabjórs í fyrra var 30,6 þús. lítrar og seldist tæpur helmingur heildarmagnsins fyrstu söluhelgina.