„Ísland: Hvernig gat þetta gerzt?“

Þorvaldur Gylfason, prófessor við Hagfræðideild, mun flytja fyrirlestur í hátíðasal Háskóla Íslands 6. mars næstkomandi frá kl. 12.00-13.30.

Titill fyrirlestrarins er: „Ísland: Hvernig gat þetta gerzt?“

Hagþróun Íslands er borin saman við hagþróun annars staðar á Norðurlöndum og einnig lauslega við hagþróun í þrem öðrum löndum á útjaðri Evrópu, Grikklandi, Írlandi og Portúgal, auk Færeyja.

Hvorum hópnum stendur Ísland nær fimm árum eftir hrun?

Fyrirlesturinn fjallar einnig um framtíðarhorfur efnahagsumbóta á Íslandi og hugsanlegar afleiðingar hrunsins fyrir félagsauð, mannauð og fjárauð Íslands, helstu undirstöður batnandi lífskjara um landið til langs tíma litið.