Viðskiptajöfnuður aldrei hærri

Viðskiptajöfnuður Íslands, eins og hann var í fyrra, hefur aldrei áður mælst hærri á einu ári. Það á við hvort sem litið sé á jöfnuðinn með eða án innlánsstofnana í slitameðferð. Þá er útkoman mun vænlegri en væntingar voru til.

Í Morgunkorni Greiningar Íslandsbanka segir að þetta megi sjá í bráðarbirgðatölum sem Seðlabanki Íslands birti í gær um greiðslujöfnuð við útlönd á fjórða ársfjórðungi síðasta árs.

Afgangur mældist á undirliggjandi viðskiptajöfnuði á öllum fjórðungum í fyrra, sem hefur aldrei gerst áður. Í heildina var viðskiptaafgangurinn 110,9 milljarðar króna eða 6,2 prósent af vergri landsframleiðslu. Þetta er mun betri niðurstaða en Seðlabankinn gerði ráð fyrir í nýjustu spá sinni.

Séu gömlu bankarnir hafði með í tölunum mælist afgangur af viðskiptajöfnuði 70 milljarðar króna eða 3,9 prósent af VLF.